Thursday, August 30, 2012

Zei ruangah ka blog min hi abc computer cawnnak

Zei ruangah ka blog min hi abccomputercawnnak.blogspot.com a si hnga? Nan ruat bal theng lai lo dah! A ruang cu kum 2010 Malaysai ka um lio ah hi blog cu ka rak sermi a rak si i, ka rak ser hnawh chan cu Computer kong ka ṭial lai ti ruahchannak he a rak si. Sihmanhseh law ka ser dih thla 1 hrawng ah US ka kal i, zei ca hmanh ka rak ṭial thiam ti lo.

A hmasabik blog post ka rak tuah mi cu, kan community (Hriphi) hngakchia pawl ka rak chimhnak computer cawnnak cauk a rak si. A tu ka zoh ṭhan ah remh awk/chap awk a tampi ko nain original in ka rak thlah ṭhan.
Note; copyright tu kha cu hloh si sehlaw, nan mah nih a rem nan ti ning in, chap/ zuh/copy/reprint/download/share.....na duh ning in tuah khawh a si. 

Abc computer cawnnak

Tuesday, July 31, 2012

Lai Software

Lai Software ah na ka len caah kai lawm.
Tuchan cu IT chan a si bantuk in Lai mi nih kan herh mi Software pawl hi cu kanmah tein chuah khawh ding hi ka saduhthah a si.
Mipi lei zong nih kan herh tak tak mi Software pawl zei dah a si,  ti langh ter cio ding in zaangfah kan nawl hna. Kan thiam ruangah si lo in kan herh ruangah tuah ding a si caah kan zapi mah rian ah i ruah in ṭang ṭi cio hna u sih ti zawng kan sawm chih hna.


C. Bawi Ceu Mang 
Lansing, MI, USA


"Zumhnak nih zeipaoh a tuah khawh i , zuamnak nih khoika paoh ah an phan ter khawh"